jobs in dubai

 

بتفكر تسافر الامارات للبحث عن فرصه عمل

يا شباب احنا حنحاول ننقل لكم خبرتنا في هذا المجال و حنشرحلكم الموضوع ده علي قد ما نقدر

كتير منا سمع ان في تاشيراـسياحـللامارات مدتها 3 شهور قابله للتحويل الي عمل و حنشرح لكم الحكايه دي ايه

– اول سوال الناس بتساله الموضوع ده حيتكلف كام و في اخر البوست ده حتلاقي اننا قولنالك كل الموضوع بيتكلف

كام تقريبا

اول نصيحه بقولهالك ادرس الموضوع كويس و اقرا البوست ده كويس و حنقولكم علي حاجات مهمه تسهل عليكم

الموضوع ده بعد ما حعرض عليكم اهم الاسئله اللي بنتسالها

– كم تمن الفيزا و تكلفه السكن و تكلفه الطيران و محتاج فلوس قد ايه تكون معايا ؟

– و السوال المتكرر يعني الشغل مضمون ؟

حنجاوبكم علي كل الكلام ده في البوست ركزوا معايا

اخر حاجه حنتكلم عليها هو تمن الفيزا لان الموضوع مش موضوع فيزا الموضوع انك لازم تدرس القرار ده كويس

كل واحد مننا عنده موهلات علميه و عمليه غير التاني فمينفعش حد يقارن نفسه بالتاني و اولا و اخيرا كل واحد

بياخد نصيبه و رزقه و لكل مجتهد نصيب .

حكلمكوا عن تذاكر الطيران انت لازم تحجز تذكره ذهاب و عوده و طبعا سعر تذكره الطيران بيختلف من ميعاد

للتاني و موعد الحجز بس تقريبا ارخص الخطوط للامارات هي خطوط طيران العربيه و طيران فلاي دبي و ده

طيران اقتصادي بيطلع من مطار برج العرب بالاسكندريه و حسهلكم الحكايه ادخل علي اللينك ده و حدد مواعيد

سفرك و هو حيعطيك الاسعار و المواعيد

http://www.xpedia.com

نيجي علي موضوع السكن طبعا لو عندك حد قريبك هناك او صديق ممكن يستضيفك حيكون خدمك خدمه كبيره

ووفر عليك كتير و السكن المشترك سعره بيبدا من 650 درهم في الشهر و ده بيكون سرير مع زملاء في غرفه و

بيكون العدد تقريبا 4 بالغرفه و احنا جمعنالكم اهم المواقع الاماراتيه التخصصه في الاعلان عن سكن مشترك في

اللينك ده ادخل عليه و اتواصل مع المعلن عن السكن و ضبطه قبل سفرك عشان مش تتضطر تحجز فندق لحد ما

تلاقي سكن و ده حيكلفك علي الاقل 120 درهم اماراتي في اليوم الواحد اقل فندق

http://sharingroomdubai.blogspot.com.eg/

بالنسبه للسوال الشغل مضمون ارجع و اقولك الارزاق بيد الله بس اقرا الكلام الجاي كويس

في ناس سافرت و ربنا وفقها من اول اسبوع و في ناس ربنا وفقها في اخر اسبوع و في ناس مش اتوفقت و

جددوا التاشيره و مازال عنهم امل و في ناس رجعت و مقدرتش علي الموضوع فكرنا ازاي نساعدكم عشان تقدروا

تاخدوا القرار ده فجمعنالكم اهم مواقع الاعلان عن وظائف بالامارات كلهم في لينك واحد و كمان شركات الاوت

سورس اللي بتجيبلك شغل مقابل عموله متفق عليها و الموقع ده لازم تحتفظ به و تدخل و تدرس الوظائف اللي

بتتطلب و تشوف وظيفتك او مهنتك مطلوبه و لا لا .

http://dubaijobs11.blogspot.com.eg/

حقولكم نصائح مهمه لازم تاخدها في اعتبارك

– مفيش ياس

– السي في مهم جدا جدا جدا لازم يكون مكتوب نسخه بالانجليزيه و نسخه بالعربيه و تصور حوالي 50 نسخه

معاك من مصر و تاخدهم معاك و بلاش تفتي في السي في عشان حتتسال في كل كلمه مكتوبه و لازم تركز علي

نقاط القوي لديك و خبراتك العلميه و العمليه و الشهادات و الدورات التدريبيه اللي حصلت عليها .

– معظم التقديم للوظائف بيكون من خلال الانترنت بس انا بقولك جمع الشركات المتخصصه في نفس مجالك و اعمل

جدول لزيارتها و البس فورمل و روح بنفسك و اطلب مقابله الاتش ار و لو مش قدرت تقابله سيب السي في للامن

و اطلب منه ايميل ال اتش ار و ابعتله السي في في ايميل و اكتب في الايميل انك حضرت للشركه و لم تستطع

مقابلته .

– الالتزام بالمواعيد

– نظم وقتك و اوعي تنسي مهمتك و مفيش داعي للفسح و الخروجات اللي مالهاش لازمه خليك في المعقول

– الاستيقاظ مبكرا و متابعه كل اعلانات الوظائف اليوميه في كل المواقع و ارسال السي في للوظائف المناسبه

لموهلاتك .

– لو اتقابلت في شغل و جالك offer  اسال اللي عايشين في البلد الراتب ده مناسب كبدايه و لا لا و متتسرعش .

——

بالنسبه لمصروفك الشخصي بيكون لا يقل عن 1200 درهم شهريا و بلاش اكل المطاعم .

———-

بالنسبه للفيزا بتكون حسب مهنتك في جواز السفر و في فيزا شهر و اخري 3 شهور و طبعا لو رايح تدور علي

شغل حتكون الفيزا 3 شهور .

الاوراق المطلوبه لاستخراج الفيزا

( صوره ضوئيه من جواز سفر + صوره شخصيه 4*6)

——

رسوم تحويل الفيزا من فيزا سياحه الي فيزا عمل في حال وجدت وظيفه مناسبه حوالي 650 درهم اماراتي

———

و ربنا يوفق الجميع و يا رب نكون قدرنا نفيدكم

تابعونان علي صفحتنا علي الفيسبوك